Film haqida qisqacha:
14 yoshli Sidzuku Tokioda yashaydi. U bo‘sh vaqtining deyarli barchasini kitob o‘qishga bag‘ishlaydi va vaqti-vaqti bilan she’rlar ham yozadi. Bir kuni u kutubxonadagi kitoblarning barchasini undan oldin Seidzi ismli kimdir olganini payqab qoladi. Ma’lum bo‘lishicha, bu — u bilan parallel sinfda o‘qiydigan bola ekan. Avvaliga Seidzi Sidzukuga mutlaqo yoqmaydi.
Biroq vaqt o‘tib ular asta-sekin yaqinlashib boradilar. Seidzining skripka ustasi bo‘lish orzusi Sidzukuning qalbida ham o‘z orzusini topish istagini uyg‘otadi. Shundan so‘ng u antiqa buyumlar do‘konidagi mushuk haykalchasi — Baron haqidagi hikoyani yozishga kirishadi.