Film haqida qisqacha: Jalgasning hayotida go‘yoki hamma narsa bor — muvaffaqiyat, oila, farovonlik. Ammo uning qalbi xotirjam emas. O‘tmish soyasi va yashirin sirlar uni bir zum ham tinch qo‘ymaydi.
U bolalikdagi ushalmagan orzulari va oiladagi barcha baxtsizliklar uchun onasi Mayrashni ayblaydi.
Bir kuni onasi kelini bilan janjallashib, uyda katta mojaro chiqadi. Shundan so‘ng Jalgas onasining yubileyi arafasida uni qishloqqa mashinada o‘zi olib borishga qaror qiladi — yo‘l davomida ichidagilarni to‘kib solish va o‘zaro munosabatlarga oydinlik kiritish uchun.